«Ազգային շարժման» նախագահ Նիկա Մելիայի տեղեկություններով՝ Միխեիլ Սաակաշվիլիի դատավարությունը նշանակված է դեկտեմբերի 9-ին։

Ինչպես գրում է Մելիան սոցցանցում, վճռորոշ է միասնական, համախմբված ակցիան, ինչի համար էլ խմբակցությունը խնդրում է «Ազգային շարժման» պատգամավորներին, նախագահի թեկնածուներին, կուսակցության քարտուղարության անդամներին վաղը հավաք անցկացնել «Ազգային շարժման» գրասենյակում, գործողությունների ծրագիրը քննարկելու համար։

“Ընկերներ! Միխեիլ Սաակաշվիլիի դատավարությունը նշանակվել է դեկտեմբերի 9-ին, ժամը 13:00-ին։ Այս փուլում վճռորոշ նշանակություն ունի միասնական և համախմբված գործողությունը։

Չկա ավելի կարևոր բան, քան խթանել այս գործընթացը մեր միասնությամբ և համագործակցությամբ թե՛ միմյանց, թե՛ պաշտպանական կողմի և Միխեիլ Սաակաշվիլիի ընտանիքի հետ։

Ըստ այդմ՝ խնդրում ենք «Միացյալ ազգային շարժում» խմբակցության պատգամավորներին, «Ազգային շարժման» նախագահի թեկնածուներին, կուսակցության քարտուղարության անդամներին հանդիպել վաղը՝ ժամը 12:00-ին, «Ազգային շարժման» կենտրոնական գրասենյակում, առաջիկա մի քանի օրերի գործողությունների ծրագիրը քննարկելու և դիրքորոշումները հաշտեցնելու համար»,- գրել է Նիկա Մելիան։