Մեր քաղաքական վիճակը չի տալիս մեզ համարձակ որոշումներ կայացնելու հնարավորություն. Մամուկա Մդինարաձեն՝ Երուսաղեմի կարգավիճակի մասին
15:24, 22.12.2017
«Վրացական երազանք» դաշինքի նախագահ Մամուկա Մդինարաձեի հայտարարությամբ, Երուսաղեմի կարգավիճակի թեման շատ զգայուն է, որը խորը վերլուծության կարիք ունի:
Լրագրողների հետ զրույցում Մդինարաձեն արձագանքել է ՄԱԿ-ում վրացական կողմի պատվիրակության որոշմանը և նշել, որ խոսքը որևէ պատժամիջոցի մասին չի գնում:
«Մեր քաղաքական վիճակը չի տալիս մեզ հնարավորություն, որ համարձակ որոշումներ կայացնենք: Մեզ անհրաժեշտ է միջազգային գործընկերի հետ կոնսուլտացիաներ անցկացնել Մեր նման փոքր երկրի համար դրանից հետո որոշման կայացումը լավագույն ելքն է»,- հավելել է Մդինարաձեն:
Երեկ, ՄԱԿ-ի գլխավոր վեհաժողովին, քվեարկել են Երուսաղեմի կարգավիճակի անփոփոխության մասին պատրաստված հռչակագրի համար:
Վրաստանի մշտական ներկայացուցիչը ներկա չի գտնվել քվեարկությանը:
