Հայաստանն աշխարհում շատ թշնամիներ ունի, սակայն ունենք նաև ընկերներ, ովքեր դժվար պահերին կաջակցեն մեզ,- այս մասին Հայաստանի վարչապետ Նիկոլ Փաշինյանը հայտարարել է բնակչությանը իր ուղերձի ժամանակ:

Հայաստանի վարչապետի խոսքով, այժմ առավել քան երբևէ անհրաժեշտ է ժողովրդական ուժերի համախմբում ու կարգապահություն: Ինչպես նա նշել է, նրանք, ովքեր չեն ենթարկվում հրամաններին, պետք է խստորեն պատժվեն:

«Վերոնշյալ խնդիրները կատարելու համար անհրաժեշտ է ժողովրդական համախմբում և կարգապահություն: Պատերազմական իրավիճակում, հատկապես մարտական պայմաններում պետք է գործի հրամանի անվերապահորեն, առանց քննարկման կատարման լոգիկան: Նրանք, ովքեր չեն կատարի հրամանը, ովքեր տատանվում են, պետք է խստորեն պատժվեն, ենթարկվեն պատասխանատվության և, որ ամենակարևորն է, պետք է հրապարակավ դատապարտվեն»,- ասել է Հայաստանի վարչապետը:

Ըստ նրա, Արցախի պաշտպանության բանակը բավականաչափ զենք ու ներուժ ունի ՝ իր առջև դրված խնդիրները լուծելու համար:

«Մեր հնարավորությունները անսահման չեն, սակայն Արցախի պաշտպանության բանակը բավականաչափ զենք ու ներուժ ունի ՝ իր առջև դրված խնդիրները լուծելու համար: Այո, մենք աշխարհում շատ թշնամիներ ունենք, սակայն ունենք նաև ընկերներ, ովքեր աջակցում են և կաջակցեն մեզ դժվար պահերին: Երախտապարտ հայ ազգը երբեք չի մոռանա նման վերաբերմունքը»,- հայտարարել է Նիկոլ Փաշինյանը:

Հայաստանի առաջնորդի հայտարարությամբ, «առանցքային միջազգային դերակատարներն արդեն իսկ ճանաչել և բացահայտորեն հայտարարել են, որ Ադրբեջանը և Թուրքիան ագրեսորներ են», ինչը, նրա խոսքով, Հայաստանի դիվանագիտական ​​ջանքերի արդյունք է: