Մարկ Ցուկերբերգ. Մենք բախվեցինք զանգվածային ինստիտուցիոնալ ճնշման՝ բովանդակության վրա գաղափարական գրաքննություն սահմանելու համար, դրան հանգեցրին երկու իրադարձություն՝ Թրամփի ընտրությունը 2016 թվականին, Covid-ը 2020 թվականին
Վերջին տասնամյակում գաղափարական գրաքննության պահանջ կա, և ես կարծում եմ, որ դրան հանգեցրել են երկու հիմնական իրադարձություն՝ 2016 թվականին նախագահ Թրամփի ընտրությունը, որը նույնպես համընկավ «Brexit»-ի և Եվրամիության մի տեսակ քայքայման հետ, իսկ 2020-ին դա Covid-ն էր,- ասել է «Meta»-ի հիմնադիր և գործադիր տնօրեն Մարկ Ցուկերբերգը:
Ցուկերբերգը Ջո Ռոգանի հետ փոդքաստում խոսել է գաղափարական գրաքննության մասին:
«Սա երկու իրադարձություն էր: Դա առաջին անգամն էր, որ մենք բախվեցինք այս զանգվածային ինստիտուցիոնալ ճնշմանը՝ գաղափարական հիմքերի վրա հիմնված բովանդակությունը գրաքննելու համար», – ասաց Մարկ Ցուկերբերգը:
Մարկ Ցուկերբերգն ասել է, որ Ջո Բայդենի վարչակազմը դարձել է «ամենածայրահեղ»՝ գրաքննելով որոշ գրառումներ «երբ նրանք փորձում էին պատվաստումների ծրագիր գործարկել»:
«Մինչ նրանք փորձում էին իրականացնել այս ծրագիրը, գրաքննության էին ենթարկում նաև բոլորին, ովքեր հիմնականում վիճում էին այս ծրագրի դեմ»։ Նրանք մեզ շատ էին ստիպում «Facebook»-ից հեռացնելու այն, ինչ ազնվորեն ճիշտ էր», – ասել է «Facebook»-ի հիմնադիրը։