Լրատվամիջոցների հաղորդմամբ ռուսական ուժերը կրակ են բացել Խերսոնում հակաօկուպացիոն ցույցի մասնակիցների վրա
Հերթական հակաօկուպացիոն ցույցն անցկացվել է ժամանակավորապես օկուպացված Խերսոնում։
Ըստ ուկրաինական լրատվամիջոցների՝ ռուսական ուժերը կրակ են բացել ցուցարարների վրա և արցունքաբեր գազ կիրառել։
Զոհերի մասին պաշտոնապես դեռևս չի հաղորդվում: Հանրահավաքին վանկարկել են «Խերսոնը Ուկրաինա է»։
Ըստ տեղեկությունների՝ հանրահավաքն անցկացվել է նաև Խերսոնի շրջանի Կախովկա քաղաքում։