Փոխվարչապետ, էկոնոմիկայի և կայուն զարգացման նախարար Լևան Դավիթաշվիլին հանդիպել է ԵՄ-Վրաստան Գործարար խորհրդի (EUGB) անդամների հետ և նրանց ներկայացրել Վրաստանի տնտեսական քաղաքականության առաջնահերթությունները, մարտահրավերներն ու դրանց լուծման ուղիները, ընթացիկ և ապագա բարեփոխումները և տնտեսական միտումները։

Փոխվարչապետի խոսքով՝ «EUGB»-ն սերտորեն համագործակցում է Վրաստանի հետ եվրաինտեգրման ճանապարհին և խթանում վրացական բիզնեսի մուտքը եվրոպական շուկա։

«Մեզ համար հատկապես կարևոր է արդյունավետորեն լուծել ԵՄ ասոցացման օրակարգի հարցերը, որպեսզի վրացական բիզնեսները իրականում քաղեն ԵՄ-ին Վրաստանի ինտեգրման օգուտները», – ասել է Լևան Դավիթաշվիլին:

Փոխվարչապետը կարևորեց 2022 թվականի առաջին եռամսյակում օտարերկրյա ուղղակի ներդրումների ծավալը, որը չորս անգամ գերազանցում է նախորդ տարվա նույն ժամանակահատվածի ցուցանիշը, և ոչ պակաս կարևոր է, որ ԵՄ մասնաբաժինը ընդհանուր օտարերկրյա ուղղակի ներդրումներում գրեթե կեսն է՝ 48,7%։

Շնորհանդեսից հետո տեղի է ունեցել քննարկում, որի ընթացքում փոխվարչապետը պատասխանել է ԵՄ-Վրաստան գործարար խորհրդի անդամների հարցերին։

Տեղեկությունը տարածում է էկոնոմիկայի նախարարության մամուլի ծառայությունը։