Կոնգրեսի դեմոկրատների առաջնորդ Հաքիմ Ջեֆերսն ասում է, որ եթե Ուկրաինան պարտվի պատերազմում, ապա ԱՄՆ-ը ստիպված կլինի միջամտել։ Այս մասին կոնգրեսականն ասել է ամերիկյան «Սի բի էս» հեռուստաընկերությանը տված հարցազրույցում։

«Մենք չենք կարող թույլ տալ, որ Ուկրաինան պարտվի, քանի որ եթե դա տեղի ունենա, մեծ հավանականություն կա, որ ԱՄՆ-ը ստիպված կլինի միջամտել հակամարտությանը ոչ միայն փողով, այլև մեր զինվորականներով»,- ասել է Ջեֆերսը։

Ինչպես Ջեֆերսն է ասում, ՌԴ նախագահ Վլադիմիր Պուտինը ցանկանում է վերականգնել Խորհրդային Միությունը և սպառնալ ՆԱՏՕ-ին։

«Պուտինը կանգ չառավ հարեւան Վրաստան ներխուժելուց հետո, Ղրիմի բռնակցմանը հաջորդեց միջամտությունը Արեւելյան Ուկրաինա։ Հաշվի առնելով այս հետևողական ագրեսիան՝ պե՞տք է ենթադրել, որ եթե թույլ տանք Վլադիմիր Պուտինին հաջողության հասնել Ուկրաինայում, ապա նա կանգ կառնի Ուկրաինայի վրա։ Իհարկե ոչ»,- ասել է Ջեֆերսը։

Ջեֆերսը մեղադրել է «Պուտինամետ լոբբիին»՝ ԱՄՆ կողմից Ուկրաինային ռազմական օգնության փոխանցումը հետաձգելու մեջ։

«Հանրապետական ​​կուսակցությունում ընդլայնվում է պուտինամետ խմբակցությունը, որը ցանկություն չունի օգնելու Ուկրաինային, չգիտես ինչու ենթադրում է, որ Ռուսաստանը ԱՄՆ-ի թշնամին չէ»,- ասաց կոնգրեսականը։

Նրա խոսքով՝ Կոնգրեսում ռուսամետ խումբը գլխավորում է հանրապետական ​​Մարջորի Թեյլոր Գրինը։

Տեղեկության համար՝ ԱՄՆ Սենատում Ուկրաինային ռազմական օգնություն հատկացնելուն դեմ են քվեարկել 15 սենատոր։