Թբիլիսիի քաղաքային դատարանում ընթանում է դերասան Անդրո Ճիճինաձեի, կատակերգու Օնիսե Ցխադաձեի և ինը այլ անձանց գործով դատավարությունը, որոնք ձերբակալվել են բողոքի ցույցերի ժամանակ խմբակային բռնություններին մասնակցելու մեղադրանքով։

Նրանց նկատմամբ կիրառված խափանման միջոցը՝ կալանավորումը, կվերանայվի այսօրվա նիստում։ Պաշտպանական կողմը միջնորդություն կներկայացնի կալանավորվածներին գրավի դիմաց ազատ արձակելու մասին։

Թբիլիսիի քաղաքային դատարանը դերասան Անդրո Ճիճինաձեին, կատակերգու Օնիսե Ցխադաձեին և ևս չորս անձանց, որոնք ձերբակալվել են խմբակային բռնություններին մասնակցելու մեղադրանքով, որպես խափանման միջոց է դատապարտել ազատազրկման։

Ձերբակալվածներին մեղադրանք է առաջադրվել Վրաստանի Քրեական օրենսգրքի 225-րդ հոդվածի 2-րդ մասով, որը ենթադրում է խմբակային բռնության մասնակցություն։ Նշված հանցագործությունը պատժվում է 4-ից 6 տարի ազատազրկմամբ։