«Վրացական երազանք» կուսակցության գլխավոր քարտուղար Կախա Կալաձեի խոսքով, պարզ է, որ «Ազգային շարժման» մեջ ընդհարում կա։

«Ես չեմ ցանկանում ինչ-որ կուսակցական քննարկումների մեջ մտնել, դա իրենց գործն է, սակայն, ակնհայտ է, որ նրանք կոնֆլիկտ ունեն»,- ասել է Կախա Կալաձեն։

Կախա Կալաձեի խոսքով՝ Վանո Մերաբիշվիլին և Լևան Խաբեիշվիլին ցանկանում են երկրում հեղափոխություն կազմակերպել։ Ինչպես նշեց Կալաձեն, ոչ ոք չի կարող ապակայունացում բերել:

«Մերաբիշվիլին ու Խաբեիշվիլին մնացել են անցյալում, և 2003 թվականի գաղափարախոսությամբ ու գաղափարներով ուզում են ինչ-որ բան փոխել երկրում, ստեղծել առճակատում, հեղափոխություն, հեղաշրջում և այլն։ Հավատացեք, ոչ մեկին չի հաջողվի ապակայունացում մտցնել երկրում։ Միգուցե, ոմանց մոտ դրա ցանկությունն է, նրանք ձգտում են, ինչ-որ բան են անում, բայց ամեն ինչին օրենքի շրջանակներում պատասխան կտրվի»,- ասել է Կախա Կալաձեն։