Իրանական լրատվամիջոցները հաստատում են նախագահ Իբրահիմ Ռայիսիի և արտգործնախարար Հոսեյն Ամիր Աբդոլլահյանի մահը։ Տեղեկությունը տարածում է «Սի Էն Էն»-ը։

Ըստ լրատվամիջոցի՝ ուղղաթիռում գտնվող բոլոր մարդիկ մահացել են։

Ավելի վաղ Իրանի բարձրաստիճան պաշտոնյաները հայտնել էին, որ ուղղաթիռը, որում եղել է ինը մարդ, վատ եղանակի պատճառով խնդիրների է բախվել։

Որոնողափրկարարական աշխատանքները շարունակվել են ողջ գիշեր։

Ըստ լրատվամիջոցների՝ Ռայիսին վերադառնում էր Իրան-Ադրբեջան սահմանային գոտուց և շարժվում էր դեպի հյուսիս-արևմտյան Թավրիզ քաղաք։ Մինչ այդ ամբարտակի բացման արարողությանը մասնակցել են Իրանի եւ Ադրբեջանի նախագահները։

Բացի նախագահից, ուղղաթիռում եղել է ութ մարդ, այդ թվում՝ Իրանի արտաքին գործերի նախարար Հոսեյն Ամիր-Աբդոլահյանը։