Նոյեմբերի 25-ը կանանց նկատմամբ բռնության դեմ պայքարի միջազգային օրն է:
Հանրային հեռարձակողի բոլոր հաղորդումները միացել են այս ամսաթվին: Հատուկ այս օրվա համար հանրային հեռարձակողի շենքը լուսավորվել է կարմիր գույնով:
Վրաստանի գլխավոր դատախազության տվյալների համաձայն, 2020 թվականի իննը ամիսների ընթացքում սպանվել է 19 կին, այդ թվում՝ 12-ի դեպքում նկատվել են ընտանեկան հանցագործության նշաններ, իսկ մնացած յոթի դեպքում այլ դրդապատճառներ: Բացի այդ, արձանագրվել է կանանց սպանության 20 փորձ, որից 11-ը կատարվել են ընտանեկան հանցանքի հողի վրա: Ընտանեկան հանցանքի գործով քրեական հետապնդումը սկսվել է 3 633 անձի նկատմամբ: Գենդերային խտրականության մոտիվը արձանագրվել է 120 մեղադրյալի նկատմամբ: Ընտանեկան հանցանքի գործով խափանման միջոցի տեսքով բանտարկության պահանջի ցուցանիշը 94 տոկոս է, բավարարվել է 54 տոկոս:
Հատկանշական է, որ Հանրային հեռարձակողը մշտապես լուսաբանում է գենդերային հավասարության խնդիրները և առաջնահերթ է համարում այս ուղղությամբ ակտիվ աշխատանքը: Տարեսկզբին հեռարձակողը գործնականում կիրառեց Եվրոպայի հեռարձակողների միության (EBU) գենդերային խմբի կողմից մշակված «Բոլորը հավասար են» փաստաթուղթը, որը ստեղծվել է 11 երկրների ներկայացուցիչների մասնակցությամբ, գենդերային խմբի նախագահ Թինաթին Բերձենիշվիլիի գլխավորությամբ:
