Իսրայելի պաշտպանության բանակը հայտնում է, որ Խան Յունիս քաղաքում առաքելությունն ավարտելուց հետո թիրախը կլինի Ռաֆահ քաղաքը
Իսրայելի պաշտպանության բանակը նշում է, որ Խան Յունիս քաղաքում առաքելությունն ավարտելուց հետո թիրախը կլինի Գազայի հատվածի ծայր հարավում գտնվող Ռաֆահ քաղաքը։
«Մենք կավարտենք մեր առաքելությունները Խան Յունիսում և կհասնենք նաև Ռաֆահ։ Այս պատերազմը պահանջում է ազգային տոկունություն և վճռականություն: Մենք պետք է համբերատար լինենք, քանի դեռ չենք ավարտել առաքելությունը»,- ասել է Իսրայելի պաշտպանության նախարար Յոավ Գալանտը։
ՄԱԿ-ի տվյալներով՝ Եգիպտոսի հետ սահմանին գտնվող Ռաֆահ քաղաքի բնակչությունը կտրուկ աճել է, քանի որ Գազայից մարդիկ այնտեղ են տեղափոխվել այն բանից հետո, երբ Իսրայելը ռմբակոծել է հյուսիսային քաղաքները։