Իրանի արտգործնախարարի խոսքով՝ «Համասի» առաջնորդներից մեկի սպանությունը «վախկոտ ահաբեկչական գործողություն» էր, որն իրականացրել էր Իսրայելը
Իրանի արտաքին գործերի նախարար Հոսեյն Ամիր Աբդոլլահյանի խոսքով՝ Բեյրութում ՀԱՄԱՍ-ի առաջնորդներից Սալեհ ալ-Արուրիի սպանությունը Իսրայելի կողմից իրականացված «վախկոտ ահաբեկչական գործողություն էր»։
Նախարարը սոցցանցում գրում է, որ «Սիոնիստական ռեժիմը, չնայած ԱՄՆ-ի անմիջական աջակցությանը, չի հասել իր նպատակներից ոչ մեկին Գազայում և Հորդանան գետի Արևմտյան ափում շաբաթներ շարունակվող պատերազմական հանցագործություններից, ցեղասպանությունից և ավերածություններից հետո»։
«Այլ երկրներում այս ռեժիմի ահաբեկչական մեքենայի չար գործողությունները սպառնալիք են խաղաղությանն ու անվտանգությանը և լուրջ տագնապ են առաջացնում տարածաշրջանի բոլոր երկրների համար»,- գրել է Իրանի արտգործնախարարը Twitter-ի իր էջում։