Մեր միակ պայմանն այն է, որ այս բանավեճերը լինեն առողջ ձևաչափով, և միակ նպատակը հանրությանը բոլոր թեմաների վերաբերյալ համապատասխան տեղեկատվություն տրամադրելն է, լրագրողներին ասել է Վրաստանի վարչապետ Իրակլի Կոբախիձեն։

Կառավարության ղեկավարի խոսքով՝ այս բանավեճերը պետք է լինեն թեմատիկ։

«Ահա թե ինչպես ենք մենք պատկերացնում հանրային տարածքում անցկացվող քննարկումները։ Մնացածը նաև լրատվամիջոցների հետ խորհրդակցությունների առարկա է։ Հուսով ենք, որ շատ շուտով, որքան հնարավոր է շուտ, կկարողանանք համաձայնության գալ այս ձևաչափերի շուրջ։ Ես անձամբ պատրաստ եմ մասնակցել նման քննարկումներին։ Մեր միակ խնդիրն է անցկացնել առողջ քննարկումներ, առողջ բանավեճեր։ Սա Վրաստանում բևեռացումը հնարավորինս հաղթահարելու ամենաարդյունավետ միջոցն է», – ասել է վարչապետը։

Վրաստանի վարչապետ Իրակլի Կոբախիձեն հայտարարել է, որ որպեսզի վրաց ժողովուրդը կարողանա ճիշտ վերլուծել իր ընտրությունը, նրան պետք է հնարավորություն տրվի հրապարակայնորեն լսել բոլոր այն խմբերի դիրքորոշումները, որոնք ունեն իշխանության գլուխ լինելու հավակնություն։

«Մենք պարտավոր ենք ժողովրդին վերադարձնել բանավեճի իրավունքը և թույլ չտալ ոչ ֆորմալ ուժերին, նրանց «վրացական» գործակալությանը, մեզ պարտադրել իրենց սեփական օրակարգը», – ասել է Իրակլի Կոբախիձեն։