Այսօր մենք ունենք ավելի բարձր վարկանիշ, քան ունեինք խորհրդարանական ընտրություններից առաջ։ Եթե մենք խորհրդարանական ընտրություններում ստացանք 54%, կարող ենք դրանից ավելին ստանալ,- լրագրողներին ասել է Վրաստանի վարչապետ Իրակլի Կոբախիձեն։

Վարչապետի խոսքով, «Վրացական երազանքը» կհաղթի թե՛ քաղաքապետի, թե՛ մունիցիպալ ընտրություններում բոլոր 64 մունիցիպալիտետներում։

«Ինչ վերաբերում է տեղական ինքնակառավարման մարմինների ընտրություններին, ապա այսօր մենք ունենք ավելի բարձր վարկանիշ, քան ունեինք խորհրդարանական ընտրություններից առաջ։ Եթե մենք խորհրդարանական ընտրություններում ստացանք 54%, կարող ենք դրանից ավելին ստանալ։ Նման իրավիճակում ընդդիմությունը բացարձակապես դատապարտված է։ Մենք կհաղթենք թե՛ քաղաքապետի, թե՛ մունիցիպալ ընտրություններում բոլոր 64 մունիցիպալիտետներում։ Նման իրավիճակում նրանք չգիտեն՝ ինչ անել։ Միաժամանակ, նրանք ափսոսում են մունիցիպալ ընտրություններում 2-3 մանդատի համար։ Միաժամանակ, մյուս կողմից, նրանք տեսնում են, որ բացարձակապես դատապարտված են պարտության։ Դրա հետ կապված են ներքին պայքարները, որոնք մենք տեսնում ենք ընդդիմության մեջ, ինչը լավ է, և ամենակարևորը՝ ընդդիմությունը բացարձակապես քայքայված և կոտրված է», – ասել է վարչապետը։