Կայա Կալաս. Չպետք է տրվենք Ռուսաստանի նարատիվին, թե իբր անվտանգության հարցերի հետ կապված մտահոգություններ ունեն
Փարիզում Ուկրաինայի արտաքին գործերի նախարար Անդրեյ Սիբիհայի հետ անցկացված բանակցություններից հետո Եվրոպական միության բարձր ներկայացուցիչը միջազգային հանրությանը կոչ է արել չտրվել Ռուսաստանի նարատիվին, թե իբր Ուկրաինայում պատերազմի ավարտի context-ում (համատեքստում) Մոսկվան մտահոգություն է հայտնում սեփական անվտանգության հետ կապված։
Կայա Կալասի խոսքով՝ Ուկրաինայի համար այս շաբաթները հատկապես կարևոր են։ Նրա հայտարարությամբ՝ խաղաղ բանակցությունների զարգացմանը զուգահեռ, Եվրոպան կշարունակի աջակցել Ուկրաինային, իսկ Ռուսաստանի դեմ սահմանված պատժամիջոցները կմնան ուժի մեջ և էլ ավելի կխստացվեն։
«Չպետք է տրվենք Ռուսաստանի նարատիվին, թե իբր նա անվտանգության հետ կապված մտահոգության հիմքեր ունի։ ՆԱՏՕ-ն պաշտպանական ալյանս է և Ռուսաստանին երբեք չի սպառնացել։ Ինքնիշխանության, տարածքային ամբողջականության և ալյանսներն ազատորեն ընտրելու իրավունքի հարգումը հիմնարար սկզբունքներ են, այլ ոչ թե առևտրի առարկա», – հայտարարել է Կալասը։