Իրակլի Ղարիբաշվիլին հանդիպել է «Սանկո Հոլդինգի» պատվավոր նախագահ Զեքի Քոնուկօղլուի հետ
Վրաստանի վարչապետ Իրակլի Ղարիբաշվիլին հանդիպել է «Սանկո Հոլդինգի» պատվավոր նախագահ Զեքի Քոնուկօղլուի հետ։
Վարչապետի մամուլի ծառայությունից հայտնում են, որ կողմերը քննարկել են Վրաստանի հզոր ներդրումային ներուժը և հետագա համագործակցության հեռանկարները։
Զրույցն անդրադարձել է այն ներդրումային ծրագրերին, որոնք շահագրգռված են իրականացնել SANKO Group-ը։ SANKO Group-ի գլխամասային գրասենյակը գտնվում է Թուրքիայում, հոլդինգում աշխատում է 14000 մարդ։ Ընկերությունը գործում է մի քանի ոլորտներում, այդ թվում՝ վերականգնվող էներգիայի, շինարարության, անշարժ գույքի, տեքստիլի և այլ ոլորտներում:
Կառավարության աշխատակազմում կայացած հանդիպմանը մասնակցել են Վրաստանում Թուրքիայի Հանրապետության արտակարգ և լիազոր դեսպան Ալի Քաան Օրբայը և «Սանկո Հոլդինգի» տնօրեն Ջեմալ Արիկին։
Տեղեկությունը տարածում է Վրաստանի վարչապետի մամուլի գրասենյակը։