Իրակլի Ղարիբաշվիլին հանդիպել է ԱՄՆ Եվրոպական հրամանատարության հրամանատար, գեներալ Քրիստոֆեր Կավոլիի հետ
Վրաստանի վարչապետ Իրակլի Ղարիբաշվիլին հանդիպել է ԱՄՆ եվրոպական հրամանատարության հրամանատար, գեներալ Քրիստոֆեր Կավոլիի հետ։
Վարչապետի մամուլի գրասենյակից հայտնում են, որ կառավարության ղեկավարը շնորհակալություն է հայտնել գեներալին՝ երկրի եվրատլանտյան ինտեգրման գործընթացին աջակցելու համար և ընդգծել այցի կարևորությունը։
Կողմերը քննարկել են հետագա համագործակցության հեռանկարները։ Վարչապետի խոսքով, եվրոպական և եվրատլանտյան ինտեգրումը, ինչպես նաև ռազմավարական գործընկերությունը ԱՄՆ-ի հետ հանդիսանում են երկրի հիմնական առաջնահերթությունները, և այդ ուղղությամբ դաշնակիցների աջակցությունը առանձնահատուկ նշանակություն ունի։ Հանդիպմանը Իրակլի Ղարիբաշվիլին հստակորեն հաստատել է իր պատրաստակամությունը՝ աջակցել և նպաստել ՆԱՏՕ-ի ջանքերին՝ ուղղված Սևծովյան տարածաշրջանի անվտանգության ամրապնդմանը։
Զրույցի ընթացքում անդրադարձ է եղել Վրաստանի պաշտպանունակության բարձրացման հարցում ԱՄՆ աջակցությանը և նշվել է երկրի ներդրումը ընդհանուր եվրատլանտյան անվտանգության գործում։ Ասվում էր, որ վերջին երկու տասնամյակների ընթացքում Վրաստանը ակտիվորեն մասնակցել է ՆԱՏՕ-ի հովանու ներքո իրականացվող միջազգային առաքելություններին և պատրաստ է ապագայում կանգնել ՆԱՏՕ-ի դաշնակիցների և այլ գործընկեր երկրների հետ՝ աջակցելու հյուսիսատլանտյան անվտանգությանը։
Զրույցն անդրադարձել է Ուկրաինայում ընթացող պատերազմին և տարածաշրջանում տիրող իրավիճակին։ Վարչապետը շնորհակալություն է հայտնել ամերիկյան կողմին՝ երկրի տարածքային ամբողջականությանն ու ինքնիշխանությանը ցուցաբերած ամուր աջակցության համար։ Կառավարության վարչակազմում կայացած հանդիպմանը մասնակցել են պաշտպանության նախարար Ջուանշեր Բուրճուլաձեն և ՆԱՏՕ-ում Վրաստանի դեսպան Վիկտոր Դոլիձեն, ինչպես նաև Վրաստանում ԱՄՆ արտակարգ և լիազոր դեսպան Քելլի Դեգնանը և Վրաստանում ԱՄՆ պաշտպանության կցորդ Ջոզեֆ Բիլբոն։
Տեղեկությունը տարածում է Վրաստանի վարչապետի մամուլի գրասենյակը։