Ես կցանկանայի, որ լրագրողները համապատասխանեն ԵՄ անդամ երկրներում գոյություն ունեցող նվազագույն չափանիշին, որտեղ լրագրողները հարգում են միմյանց կարծիքը, այդ թվում՝ պաշտպանելով պատասխանողի իրավունքները և չեն անցնում հարձակման,- ասել է Վրաստանի վարչապետ Իրակլի Ղարիբաշվիլին լրագրողներին այն հարցին, թե ինչ քայլեր են ձեռնարկվում Եվրամիությանն ինտեգրվելու համար։

Ղարիբաշվիլիի խոսքով՝ ինքը կցանկանար, որ այդ չափանիշը աստիճանաբար հաստատվեր Վրաստանում։

«Դուք նշեցիք եվրաինտեգրումը, և ես կցանկանայի, որ այն նվազագույն չափանիշը, որը կա ԵՄ անդամ երկրներում, որտեղ լրագրողները հարգում են միմյանց կարծիքը, ներառյալ պատասխանողի իրավունքները պաշտպանելը և հարձակման չգնալը, աստիճանաբար հաստատվի նաև այստեղ։ Նաև լրագրողները պետք է հարգեն միմյանց, գործընկերներին, սպասեն պատասխանողի պատասխանին և հետո ճշտող հարցեր տան։ Սա այն նվազագույն եվրոպական ստանդարտն է, որին դուք պետք է համապատասխանեք»,- ասել է Իրակլի Ղարիբաշվիլին։