Ինձ համար անընդունելի է, երբ իմ թիմի անդամներին անպատվում են, իսկ ինձ՝ գովաբանում: Ինձ պետք չէ նման գովաբանություն, իրենց խոսքերը թող հետ վերցնեն,- այսպես է պատասխանել Վրաստանի վարչապետ Գիորգի Կվիրիկաշվիլին՝ Գիա Գաչեչիլաձեի մեղադրանքներին:
Նրա խոսքով, Տարիել Խեչիկաշվիլին շատ արժանի մարդ է և նա երբեք իրար չի խառնել իր պետական և բիզնես գործունեությունը:
«Իր նախարարության ժամանակաշրջանում շատ բան է արել, ավարտել է անվերջ կոնֆլիկտները սպորտային ֆեդերացիաներում, սկսել է բազմաթիվ հետաքրքիր ծրագրեր երիտասարդների համար: Ինձ համար անընդունելի է, երբ իմ թիմի անդամներին անպատվում են, իսկ ինձ՝ գովաբանում: Ինձ պետք չէ նման գովաբանություն, իրենց խոսքերը թող հետ վերցնեն»,- հայտարարել է Կվիրիկաշվիլին:
«Ուցնոբին», Գիա Գաչեչիլաձեն, երեկ անցկացված ճեպազրույցին խոսել էր պետական գնումներում անարդար պայմանների գոյության մասին և նշել, որ պետությանը առանձին մասնավոր ընկերությունների հետ կապում են կարտելային գործարքներ:
