Միակ պատճառը, որի համար նրանք պատանդներ են, դա Բիձինա Իվանիշվիլիի նախընտրական քաղաքական, կեղտոտ խաղերն ու քաղաքական բռնաճնշումներն են,- այս մասին «Եվրոպական Վրաստանի» անդամ, Էլենե Խոշտարիան հայտարարել է քաղաքային դատարանում, որտեղ ընթանում է Դավիթ Գարեջիի գործով նիստը:

Ըստ նրա, այս գործով ձերբակալվածները անարդար բռնության համակարգի զոհ են:

«Ոչ միայն ես, այլև շատ մարդիկ են կանգնում նրանց կողքին, քանի որ ես չգիտեմ մի մարդու, ով չզգա, որ երկու անարդար մարդու վրա կոտրվեց անարդար բռնի համակարգը, որում մենք այսօր ապրում ենք: Մենք պետք է ամեն ինչ անենք, որպեսզի այդ մարդիկ հնարավորինս արագ դուրս գան գերությունից: Իմաստ չունի քննարկել, թե ինչ է անելու  դատախազությունը կամ դատարանը, դա այն հաստատությունն է, որը կատարում է քաղաքական պատվերներ, ուստի ես չգիտեմ, թե նրանք ինչ քաղաքական պատվեր ունեն»,- հայտարարել է Էլենե Խոշտարիան: