Վրաստանի արտաքին գործերի նախարար Իլիա Դարչիաշվիլին հանդիպել է իր շվեդ գործընկերոջ հետ։ Ինչպես հանդիպումից հետո լրագրողներին ասել է Իլիա Դարչիաշվիլին, Շվեդիայի արտաքին գործերի նախարարից ստացել է անդրդվելի և ուժեղ աջակցող ուղերձներ։

Բացի այդ, ինչպես նշեց Իլիա Դարչիաշվիլին, հաջորդ տարվանից Եվրամիության խորհուրդը նախագահող երկիրը կլինի Շվեդիան, և նա վստահ է, որ այս ընթացքում Վրաստանը կոնկրետ արդյունքներ կունենա եվրաինտեգրման ուղղությամբ։

«Ես հնարավորություն ունեցա հանդիպելու Շվեդիայի նորանշանակ արտաքին գործերի նախարարի հետ։ Շատ կարևոր է, որ հաջորդ տարվանից՝ տարվա առաջին կիսամյակում, Շվեդիան կլինի Եվրամիության խորհրդի նախագահող երկիրը։ Շվեդիայի ակտիվ աջակցությունն այս ուղղությամբ մեզ համար կարևոր կլինի, քանի որ մենք մի կողմից Եվրամիության կողմից մեզ տրված 12 հանձնարարականները կատարելու, մյուս կողմից՝ շուտափույթ թեկնածուի կարգավիճակ ստանալու գործընթացում ենք։ Անպայման կցանկանայի նշել, որ Շվեդիայի արտաքին գործերի նախարարից ստացել ենք աջակցության անսասան և խիստ ուղերձներ։ Վստահ եմ, որ նրանց նախագահության ընթացքում Վրաստանը նույնպես կոնկրետ արդյունքներ կունենա եվրաինտեգրման ուղղությամբ»,- ասել է Իլիա Դարչիաշվիլին։