Անգլիայի հավաքականի նախկին հարձակվող Գարի Լինիկերը ծաղրել է լեգենդար բրազիլացի Պելեի գոլային ռեկորդը:

2020 թվականի դեկտեմբերին «Բարսելոնայի» հարձակվող Լիոնել Մեսսին տապալել է Պելեի ռեկորդը մեկ ակումբում խփած գոլերի քանակով: Այնուամենայնիվ, բրազիլական «Սանտոս» ակումբը համաձայն չէր նրան, որ Մեսսին բարելավել է Պելեի ռեկորդը: Բրազիլական ակումբի հետազոտողներն ու պատմաբանները նշում են, որ բրազիլացին «Սանթոսում» խփել է 1091 գոլ, այլ ոչ թե 643:

Շաբաթ օրը Մեսսին դուբլ է կատարել «Գրանադայի» դեմ արտագնա խաղում: Այժմ կատալոնական ակումբում նա իր ակտիվում ունի 648 գոլ:

«Այժմ, Մեսսին Պելեի ռեկորդից մեկ ակումբում խփած գոլերի քանակով հետ է մնում ընդամենը 583 գոլով: Սակայն, սպասեք: Վերջերս նրանք հայտնաբերեցին Պելեի խփած ևս 73 գոլ, որոնք Պելեն խփել է մինչև 14 տարեկանների թիմում: Այնպես որ, Մեսսին արդեն հետ է մնում 656 գոլով», – կատակել է Լինիկերը Թվիթերում:

«Ես գիտեմ, որ Պելեն իսկական լեգենդ է: Ես պարզապես մի փոքր զվարճացա»,- ավելի ուշ ավելացրել է անգլիացին: