Բեռլինում ընթացող շախմատի աշխարհի չեմպիոնի հավակնորդների մրցաշարի երրորդ տուրից հետո միանձնյա առաջատարը աշխարհի նախկին չեմպիոն, ռուսաստանցի Վլադիմիր Կրամնիկն է, որը պարտության էր մատնել հայկական շախմատի առաջատար Լևոն Արոնյանին:

Կրամնիկին հավասարվելու հնարավորություն ունեին ամերիկացի Ֆաբիանո Կարուանան կամ ադրբեջանցի Շաքրիյար Մամեդյարովը, սակայն նրանց պարտիան ավարտվեց ոչ ոքի:

Լևոն Արոնյանը ռուսաստանցի Սերգեյ Կարյակինի հետ 1-ական միավորով կիսում է 6-7-րդ տեղերը:

Հավակնորդների մրցաշար, երրորդ տուր

Լևոն Արոնյան (Հայաստան) – Վլադիմիր Կրամնիկ (Ռուսաստան)՝ 0:1

Ֆաբիանո Կարուանա (ԱՄՆ) – Շաքրիյար Մամեդյարով (Ադրբեջան)՝ 0.5:0.5

Սերգեյ Կարյակին (Ռուսաստան) – Ալեքսանդր Գրիշչուկ (Ռուսաստան)՝ 0.5:0.5

Ուեսլի Սո (ԱՄՆ) – Դին Լիրեն (Չինաստան)՝ 0.5:0.5

Մրցաշարային դրությունը երրորդ տուրից հետո. Կրամնիկ՝ 2.5 միավոր, Մամեդյարով, Կարուանա՝ 2-ական, Դին Լիրեն, Գրիշչուկ՝ 1.5-ական, Արոնյան, Կարյակին՝ 1-ական, Սո՝ 0.5:

Չորրորդ տուրի զույգերը

Կարյակին – Արոնյան

Կրամնիկ – Կարուանա

Գրիշչուկ – Դին Լիրեն

Մամեդյարով – Սո

Երկու շրջանով անցկացվող հավակնորդների մրցաշարի մրցանակային հիմնադրամը 420 հազար եվրո է: Հավասար միավորների դեպքում, հաղթողը կորոշվի անձնական հանդիպումների, հաղթանակների քանակի, Զոնեբորն-Բերգերի գործակցի հաշվարկով:

Հավակնորդների մրցաշարի հաղթողն իրավունք կստանա այս տարվա նոյեմբերի 9-28-ը Լոնդոնում կայանալիք մրցամարտում աշխարհի գործող չեմպիոն, նորվեգացի Մագնուս Կարլսենի հետ վիճարկել համաշխարհային թագը։