Հարկատուն, ով այսօր ընթացիկ հարկային պարտք ունի, կլինի դա ճանաչված հարկային պարտք կամ չճանաչված հարկային պարտք, հնարավորություն կունենա հարկի հիմնական գումարը վճարելու պայմանով, ամբողջությամբ ազատվել տուգանքներից,- այս մասին կառավարության նիստի ավարտից հետո հայտարարել է ֆինանսների նախարար Լաշա Խուցիշվիլին:

Նախարարի խոսքով, նշված նախաձեռնությունը քննարկվել է կառավարության այսօրվա նիստում, և կառավարությունը հավանություն է տվել այդ նախաձեռնությանը:

Լաշա Խուցիշվիլիի պարզաբանմամբ, տուգանքներից ազատվելու նպատակով, հարկատուն պետք է մինչև ընթացիկ տարվա օգոստոսի մեկը դիմի եկամուտների ծառայությանը, հարկային պայմանագիր կնքելու խնդրանքով և այդ պայմանները պետք է կատարի մինչև այս տարվա դեկտեմբերի 31-ը:

«Հարկ վճարողները, որոնց ներկայիս հարկային պարտքը, ըստ էության, բաղկացած է միայն տուգանքներից, պարտքի 30 տոկոսը վճարելու դեպքում նման պայմանով հարկային պարտքի պայմանագիր կնքելու հնարավորություն կունենան: Նախաձեռնությունը վերաբերում է բոլոր հարկատուներին, բոլոր հարկ վճարողների հարկային պարտքերին, ներառյալ ճանաչվածներին, ներառյալ հարկային վեճի մեջ գտնվողներին, լինի դա Ֆինանսների նախարարության համակարգում, թե դատական ​​համակարգում: Նման ձևով և պայմաններով ներկայացված հայտերը փաստորեն կբավարարվեն ինքնաբերաբար, ինչը կապահովի, որ գործընթացը արագ, հեշտ և սահուն լինի այս պայմանագրերը կնքելու համար», – հայտարարել է Լաշա Խուցիշվիլին:

Նրա խոսքով, նախաձեռնությունը կրում է միանվագ բնույթ:

«Կարեւոր է, որ տուգանքները ներելու որոշումը միանվագ է, որը կապված է հարկատուների համար համավարակի պատճառով առաջացած դժվարությունները հաղթահարելու հետ: Իր բովանդակությամբ, հիմնական գումարի ամբողջությամբ վճարման փաստի պատճառով, այս նախաձեռնությունը չի ստեղծի ոչ մրցակցային միջավայր», – նշել է Լաշա Խուցիշվիլին:

Նախարարի խոսքով, վաղվանից ձեռներեցները հնարավորություն կունենան դիմել եկամուտների ծառայությանը, հարկային պայմանագիրը կնքելու համար:

«Բացի այդ, համապատասխան տեղեկատվությունը հարկատուներին վաղվանից կտրամադրվի այն ալիքների միջոցով, որոնցով եկամուտների ծառայությունը նրանց հետ շփվում է, այսինքն` էլեկտրոնային ձևով, իրենց պորտալում», – հավելել է ֆինանսների նախարարը: