Իրավաբանական կոմիտեի նիստին շարունակվում են գերագույն դատարանի դատավորի թեկնածուների լսումները: Այսօր, խորհրդարանականները լսում են գործող գլխավոր դատախազ, գերագույն դատարանի դատավորի թեկնածու Շալվա Թադումաձեին:

Ընդդիմությունը կասկածի տակ է դնում թեկնածուի համապատասխան կրթությունը և պնդում, որ թեկնածուն ոչ միայն գերագույն դատարանի դատավորի, այլ գլխավոր դատախազի պաշտոնում աշխատելու իրավունք էլ չունի:

Իրավաբանական հարցերով կոմիտեի նիստին ընդդիմության պատգամավոր Գիգա Բոկերիան Շալվա Թադումաձեից պահանջել է անվանել երեք համակուրսեցու կամ դասախոսի անուն, որի շուրջ Թադումաձեն հայտարարել է, որ նրանցից թույլտվություն չունի, համապատասխանաբար, նրանց ինքնությունը չի կարող հայտնել:

Գլխավոր դատախազին հարց է ուղղել նաև «Եվրոպական Վրաստան» կուսակցության անդամ, պատգամավոր Օթար Կախիձեն, թե ով էր նրա միջազգային իրավունքի դասախոսը, որին ևս Թադումաձեն չի պատասխանել:

Բացի այդ, ինչպես նշել է Օթար Կախիձեն, Թադումաձեն ընդհանրապես չի ուսանել միջազգային իրավունք: