Համոզված եմ, որ մեր բժիշկների համատեղ ջանքերով մենք շատ շուտով կկարողանանք և կունենանք հուսալի լուծում,- այս մասին Առողջապահության նախարարությունում կայացած հանդիպումից հետո, հայտարարել է Վրաստանի առողջապահության նախարար Էկատերինե Տիկարաձեն:

«Ինչ վերաբերում է այսօր տեղի ունեցած փաստին, խորհրդի հիմնական քննարկումը բուժքրոջ հետ տեղի ունեցած փաստի վերլուծությունն էր, որի հիման վրա մենք որոշեցինք բոլոր անհրաժեշտ տեղեկությունները տրամադրել կողմնակի իրադարձությունների կառավարման հանձնաժողովին: Կարգավորող գործակալությունը կլինիկայում էր գտնվում ժամը 16:00-ին, և նրանք մանրակրկիտ ուսումնասիրություն և հետազոտություն անցկացրեցին կլինիկայում հիվանդի նկատմամբ ձեռնարկված գործողությունների վերաբերյալ: Այս բոլոր փաստաթղթերը կփոխանցվեն կողմնակի բարդությունների կառավարման հանձնաժողովին և նրանք անմիջապես կսկսեն ուսումնասիրել այդ փաստը, որի հիման վրա մենք լրացուցիչ տեղեկություններ կտրամադրենք քաղաքացիներին, գոյություն ունեցող փաստի պատճառահետևանքային կապի մասին: Հիվանդին տեղափոխել են Թբիլիսիի համալսարանական կլինիկա, մենք լրացուցիչ միջոցներ ենք ձեռնարկել: Երեկոյան ժամը 21:00-ին բժիշկների բազմապրոֆիլ թիմը համատեղ խորհրդակցություն կանցկացնի, որի հիման վրա համատեղ որոշում կկայացվի, թե որն է լինելու հիվանդի հետագա բուժման մարտավարությունը: Համոզված եմ, որ մեր բժիշկների համատեղ ջանքերով մենք կկարողանանք դա անել շատ շուտով և կունենանք հուսալի լուծում», – հայտարարել է Տիկարաձեն:

Մինչև 30 տարեկան բուժքույրը, որի մոտ Ախալցիխեի «Իմեդի» կլինիկայում, «Աստրազենեկայի» պատվաստանյութը ներարկելուց հետո հավանաբար զարգացել է կողմնակի ռեակցիա, տեղավորվել է Թբիլիսիի Առաջին համալսարանական կլինիկայում: Այս պահին հիվանդի վիճակը մնում է ծանր:

Դեպքի հետաքննությունն արդեն սկսվել է, չնայած մինչ այդ ենթադրվել է, որ դա կարող էր լինել պատվաստումից հետո ամենահազվադեպ բարդությունը: