Գրենլանդիայի վարչապետ. Բոլորը պետք է հարգեն Գրենլանդիայի անկախության ցանկությունը
Բոլորը պետք է հարգեն Գրենլանդիայի անկախության ցանկությունը, – Կոպենհագենում Դանիայի վարչապետ Մետե Ֆրեդերիկսենի հետ համատեղ ասուլիսում ասել է Գրենլանդիայի վարչապետ Մութե Էգեդեն։
Գրենլանդիայի առաջնորդն ասում է, որ կապ չի ունեցել ԱՄՆ նորընտիր նախագահ Դոնալդ Թրամփի հետ, ով ասել է, որ չի բացառում ռազմական ուժի կիրառումը Պանամայի ջրանցքի և Գրենլանդիայի նկատմամբ վերահսկողություն հաստատելու համար։
«Մենք անկախության ցանկություն ունենք: Մենք ուզում ենք լինել մեր սեփական տան տերը։ Սա մի բան է, որը բոլորը պետք է հարգեն»,- ասել է Գրենլանդիայի վարչապետ Մութե Էգեդեն։