Գիգա Բոկերիան հայտարարում է, որ Շառլ Միշելի հետ հանդիպմանը խոսել են նաև արտահերթ ընտրությունների կապակցությամբ պլեբիսցիտի մասին
«Եվրոպական Վրաստանի» անդամ Գիգա Բոկերիայի խոսքով, Եվրոպական խորհրդի նախագահ Շառլ Միշելի հետ հանդիպմանը քննարկվել է նաև պլեբիսցիտի հարցը:
Բոկերիայի խոսքով, արտահերթ խորհրդարանական ընտրությունների հարցի շուրջ պլեբիսցիտը փոխզիջում է իրենց կողմից:
«Այն հանրությանը հայտնի էր արդեն շատ վաղուց, ոչ մի նոր բան չկա: Սա նույնպես մանրամասն բացատրվեց: Ես ուզում եմ ձեզ ասել, որ սա «Եվրոպական Վրաստանի» նախաձեռնած հարցն էր, նույնիսկ այն ժամանակներում: Մենք սատարում ենք դրան, որպես լուրջ փոխզիջում: Պլեբիսցիտի հարցը պետք է լինի այն, թե ուզում եք արտահերթ խորհրդարանական ընտրություններ այս կամ այն կոնկրետ օրը, և ոչ թե հեռու ապագայում:
Իհարկե, պլեբիսցիտը պետք է անցկացվի արդար, ազատ մթնոլորտում, ինչը նշանակում է առաջին հերթին քաղաքական հետապնդումների դադարեցում, քաղբանտարկյալների ազատ արձակում և բարեփոխումների փաթեթ, որն արդեն ներկայացրել է ընդդիմությունը: Սա է մեր փոխզիջման առաջարկի պատճառը, որ բոլորը պետք է ենթարկվեն մեր հասարակության այս ազատ դատավճռին», – ասել է Գիգա Բոկերիան: