Ֆրանսիայում Ամանորի գիշերը մոտ հազար մեքենա է այրվել, 420 մարդ ձերբակալվել է
Ֆրանսիայում Ամանորի գիշերը մոտ հազար ավտոմեքենա է այրվել։ Այս մասին հայտնում են ֆրանսիական լրատվամիջոցները։
Լրատվամիջոցների տվյալներով՝ միջադեպերի առնչությամբ երկրում ձերբակալվել է 420 մարդ, իսկ 310 մարդ բանտ է ուղարկվել։
«Միջադեպերի մեծ մասը կապված է պիրոտեխնիկայի ոչ պատշաճ օգտագործման հետ, ներառյալ ոստիկանների և հրշեջների դեմ արձակված հրավառությունները», – ասել է Ֆրանսիայի ՆԳ նախարար Բրունո Ռետայոն։
Ըստ լրատվամիջոցի՝ նախորդ տարի Ֆրանսիայում անհայտ անձինք Ամանորի գիշերը այրել են 690 ավտոմեքենա։