Դոնալդ Թրամփի Ռուսաստանի հետ դավադրության դոսյեի տեղեկության աղբյուրը «Ռիա նովոստիի» նախկին աշխատակից՝ Օլգա Գալկինան էր,- այս մասին տեղեկությունը տարածում է «ՈՒոլ Սթրիթ ջորնալը» (The Wall Street Journal):

Ամերիկյան հրատարակությունն անց է կացրել անկախ հետաքննություն: Հրապարակման տեղեկությամբ, հետաքննությունը հիմնված էր հարցազրույցներին, ԱՄՆ-ի հետաքննությունների դաշնային բյուրոյի ձայնագրություններին և հրապարակված փաստաթղթերին:

Նշվում է, որ 2016 թվականին Գալկինան աշխատել է Կիպրոսում ՝«Էքսբիթ Հոլդինգ Էսեյ»-ի (XBT Holding SA) մասնաճյուղում, որը պատկանում էր Ալեքսեյ Գուբարևին և հայտնի հոստինգ «Վեբզիլային» (Webzilla): Հրապարակման տվյալներով, բրիտանական հետախուզության նախկին սպա, Քրիստոֆեր Սթիլը և Գալկինայի նախկին դասընկեր Իգոր Դանչենկոն, խնդրել են նրան օգնել հայտնաբերել հավանական կոմպրոմատներ այն ժամանակվա նախագահի թեկնածու Դոնալդ Թրամփի Ռուսաստանի հետ կապերի մասին:

«ՈՒոլ Սթրիթ ջորնալի» համաձայն, այդ ժամանակ Գալկինան տարաձայնություններ է ունեցել իր վերադասի հետ, ովքեր սպառնացել են աշխատանքից հեռացնել իրեն: Ըստ «Wall Street Journal»-ի, Գալկինան աշխատանքից հեռացել է 2016 թվականի նոյեմբերին, իսկ մի քանի շաբաթ անց Դանչենկոյին է փոխանցել զեկույցի վերաբերյալ տեղեկությունները, այդ թվում ՝ իր նախկին գործատուին ուղղված մեղադրանքները:

Հրապարակման համաձայն, Գալկինան տեղեկատվության աղբյուր էր, որ «Վեբզիլան» մասնակցել է հաքերային հարձակումներին 2016 թվականի նախագահական ընտրությունների ժամանակ: «ՈՒոլ Սթրիթ ջորնալի» համաձայն, հենց Օլգա Գալկինան է հիշատակել Գուբարևին, որպես ռուսական հատուկ ծառայությունների կողմից վարձված հակեր:

Հրատարակության համաձայն, հավանաբար Գալկինան կանգնած էր այն ապացույցների հետևում, որ 2016 թվականին Թրամփի փաստաբան, Մայքլ Քոենը Պրահայում գաղտնի հանդիպում է անցկացրել Ռուսաստանի հետախուզության պաշտոնյաների հետ, որտեղ նա քննարկել է, թե ինչպես պետք է վճարել հակերներին:

Ըստ Գալկինայի, 2003 թվականից 2005 թվականներն աշխատել է «ՌԻԱ Նովոստի» լրատվական գործակալությունում, այնուհետև որպես Սարատովի շրջանի նահանգապետի մամուլի քարտուղար, որից հետո աշխատել է որպես Սարատովի վարչակազմի ղեկավարի տեղակալ: Բացի այդ, Գալկինան բլոգեր է գրել «Live Magazine»-ի համար, «Միլոնգա» մականունով:

2016 թվականին «Բազ ֆիդը» հրապարակել էր Թրամփի դոսյեն: Զեկույցը պատրաստվել էր «Էմայ6»-ի (MI6) նախկին աշխատակցի ոճով: Դրանում ասվում է, որ 2016 թվականի ամռանը Ռուսաստանի հատուկ ծառայությունները տեղեկատվություն էին տրամադրում Թրամփին և շանտաժի ենթարկում նրան կոմպրոմատներով: Միևնույն ժամանակ, հրատարակությունը հաստատել էր, որ զեկույցում ներկայացված որոշ տեղեկատվություն չի ստուգվել, և որ այն հավանաբար անհնար էր ստուգել: Թրամփը դոսյեն անվանել էր «կեղծ լուրեր»: