Դատավորը Դոնալդ Թրամփին չի դատապարտել ազատազրկման կամ տուգանք՝ բիզնես փաստաթղթերի կեղծման գործով
Դատավորն անվերապահորեն արդարացրել է Դոնալդ Թրամփին բիզնես փաստաթղթերի կեղծման գործով բոլոր մեղադրանքներով։ Համապատասխան որոշումը հայտնել է Նյու Յորքի դատարանի դատավոր Խուան Մերչանը։ Սա նշանակում է, որ Դոնալդ Թրամփին չի սպառնա որևէ բանտարկություն, տուգանք կամ պայմանական ազատազրկում։
Ըստ Խուան Մերչանի՝ անվերապահ ազատումը միակ օրինական պատիժն է, որը չի հակասում երկրի բարձրագույն պաշտոնին:
«Մաղթում ենք ձեզ հաջողություն երկրորդ ժամկետում»,- ասաց դատավորը առցանց դատական նիստին միացած ԱՄՆ նորընտիր նախագահին։
Դոնալդ Թրամփն իր ելույթում գործն անվանել է քաղաքական դրդապատճառներ։ Նրա խոսքով՝ իրեն մեղադրանք է առաջադրվել այն բանի համար, որպեսզի իրեն թույլ չտրվեր մասնակցել նախագահական ընտրություններին։
«Փաստն այն է, որ ես բացարձակապես անմեղ եմ, ես ոչ մի վատ բան չեմ արել»,- ասել է Թրամփը։
Դոնալդ Թրամփն անցյալ տարվա մայիսին մեղավոր էր ճանաչվել փաստաթղթերի կեղծման մեջ։ Մեղադրական եզրակացության համաձայն՝ Դոնալդ Թրամփը 130 հազար դոլար է վճարել պոռնոաստղ Սթորմի Դենիելսին 2016 թվականի ընտրություններից առաջ սեքսուալ հարաբերությունների մասին լռության դիմաց: Դոնալդ Թրամփը հերքում է մեղադրանքները։