Բռնազավթիչ ռեժիմի կողմից երեք օր առաջ ապօրինի ձերբակալված Զերտ գյուղի բնակիչը ազատվել է
Գորիի մունիցիպալիտետի Բերշուեթի գյուղի մոտակայքում, բռնազավթված տարածքում, օկուպացիոն ուժերի կողմից երեք օր առաջ ապօրինի ձերբակալված, նույն մունիցիպալիտետի, Զերտի գյուղի բնակիչ Մալխազ Դոլուաշվիլին ազատ է արձակվել:
Օկուպանտները նրան իրավապահներին են հանձնել «Էրգնեթի» անցակետում: Դե-ֆակտո ռեժիմը Մալխազ Դոլուաշվիլիին ազատ է արձակել այսպես կոչված սահմանն հատելու համար հաստատված տուգանքի վճարման հիմքով:
60-ամյա տղամարդ ասում է, որ նա բռնազավթված գծին հարակից Բերշուեթ գյուղի մոտ գնացել էր որսալու, որտեղ և ձերբակալվել է:
«Ես որս էի անում Բերշուեթի մոտ, հանկարծակի շունս փախավ: Ես հայտնվեցի բռնազավթված տարածքում և ինձ բերման ենթարկեցին այսպես կոչված ռուս սահմանապահները: Սկզբում ինձ տարան Ղրոմի ռուսական ռազմակայան, որտեղից ինձ տեղափոխեցին Ցխինվալիի ժամանակավոր ձերբակալության մեկուսարան: Ես այնտեղ Վրաստանի քաղաքացի չեմ տեսել, մեկուսարանում մենակ էի: Դատարանն այսօր կայացավ, ընտանիքը վճարեց տուգանքը, իսկ ես ազատ արձակվեցի», – հայտարարել է Մալխազ Դոլուաշվիլին:
Պետական անվտանգության ծառայության հաղորդմամբ, թեժ գիծն անմիջապես ակտիվացել է ապօրինի կալանքի պատճառով: Դեպքի մասին տեղեկացվել է Եվրամիության դիտորդական առաքելությունը: Փաստի կապակցությամբ տեղեկացվել են նաև Ժնևի միջազգային բանակցությունների համանախագահները և մեր երկրի միջազգային գործընկերները, ակտիվացվել են բոլոր համապատասխան մեխանիզմները: