Կասպիի մունիցիպալիտետի Քվեմո Ճալա գյուղում, բռնազավթիչ ռեժիմի կողմից ձերբակալված Զազա Գախելաձեի ընտանիքում են գտնվում Եվրամիության դիտորդական առաքելության ներկայացուցիչները:

Ինչպես հաղորդում է Վրաստանի առաջին ալիքի լրագրողը, առաքելության ներկայացուցիչները Գախելաձեի ընտանիքի անդամներից լսել են նրանց հայտնի տեղեկությունը:

Բացի այդ, ընտանիքի հետ կապ են հաստատել նաև կարմիր խաչի ներկայացուցիչները:

Զազա Գախելաձեին ռուս բռնազավթիչները ձերբակալել են երեկ, Սխվիլոյի ամրոցի մոտ: Նա վիրավոր է և գտնվում է Ախալգորիի հիվանդանոցում:

Դեպքի կապակցությամբ Վրաստանի արտաքին գործերի նախարարությունը տարածել է հատուկ հայտարարություն: Արտաքին գործերի նախարարությունը միջադեպը գնահատում է որպես ռուսական բռնազավթիչ ուժերի հերթական սադրանք և կտրականապես պահանջում է, որ Զազա Գախելաձեին անհապաղ փոխանցեն վրացական կողմին :