Բրիտանական հետախուզական ծառայություն. Ռուսաստանը, ամենայն հավանականությամբ, կշարունակի ծանր զենք կիրառել ուկրաինական բնակավայրերում
Ռուսաստանը, ամենայն հավանականությամբ, կշարունակի ծանր զենք կիրառել ուկրաինական բնակավայրերում, որպեսզի սահմանափակի իր առանց այն էլ զգալի կորուստները՝ քաղաքացիական զոհերի գնով: Այս մասին հայտնել է Մեծ Բրիտանիայի պաշտպանության նախարարության հետախուզական ծառայությունը։
Գերատեսչության «Twitter»-ում հրապարակված հայտարարության մեջ ասվում է, որ ռուսական ուժերը, ըստ երևույթին, պատրաստ չեն մասնակցել բնակավայրերում լայնածավալ ցամաքային գործողություններին և գերադասել են օդային և հրետանային հարձակումները պաշտպանական ուժերին բարոյալքելու համար:
Միաժամանակ, ըստ Մեծ Բրիտանիայի պաշտպանության նախարարության, ռուսական ստորաբաժանումները շարունակում են պաշարել ուկրաինական խոշոր քաղաքները, ինչպիսիք են Խարկովը, Չերնիգովը և Մարիուպոլը։