Բենիամին Նեթանյահուի գրասենյակը հաստատում է, որ Իսրայելը և «Համասը» հրադադարի և պատանդների ազատման համաձայնագիր են ստորագրել
Իսրայելի վարչապետ Բենիամին Նեթանյահուի գրասենյակը հաստատում է, որ Իսրայելը և «Համասը» Դոհայում համաձայնագիր են ստորագրել հրադադարի և պատանդների ազատ արձակման վերաբերյալ։
Նեթանյահուի գրասենյակի հայտարարության մեջ ասվում է, որ վարչապետն ուրբաթ օրը անվտանգության կաբինետի նիստ է հրավիրել՝ համաձայնագրի շուրջ քվեարկության համար:
Ըստ իսրայելական լրատվամիջոցների՝ հաշվի առնելով ընթացակարգերը, քվեարկության վերջնական արդյունքները կհրապարակվեն երկուշաբթի օրը։
Իսրայելի բանակցային թիմը տեղեկացրել է Նեթանյահուին, որ ձեռք է բերվել պայմանավորվածություն, իսկ վարչապետը շնորհակալություն է հայտնել նրանց ջանքերի համար։