Համավարակի ֆոնին առավել կարևոր է, որ մեր հիմնական գործընկեր TAV Georgia-ն Բաթումիի միջազգային օդանավակայանի ընդլայնման համար անհրաժեշտ ներդրումները 14 միլիոն դոլարից հասցրել է 17 միլիոն դոլարի և էական ներդրում կատարել երկրի տնտեսական զարգացման մեջ, – այս մասին Բաթումիի Ալեքսանդրե Քարթվելիի անվան միջազգային օդանավակայանի բացման կապակցությամբ, հայտարարել է Թամար Արչուաձեն:

Թամար Արչուաձեի խոսքով, Թբիլիսիի և Բաթումիի օդանավակայանների օպերատորը հնարավորինս սեղմ ժամկետում ավարտել է ընդլայնման աշխատանքները և այսօր Իսրայելից ընդունել է պատվաստված 173 զբոսաշրջիկների: Կրկնապատկվել է օդանավակայանի տարանցիկությունը, և տարեկան Բաթումիի օդանավակայանը կկարողանա սպասարկել 1 200 000 ուղևորի:

Թամար Արչուաձեն հույս է հայտնել, որ Բաթումիի օդանավակայանում ավիաընկերությունների թիվը կավելանա:

«2007 թվականից մինչ համավարակը, Բաթումիի օդանավակայանում ավիաընկերությունների թիվը ավելացել է հինգ անգամ: Հուսով ենք, որ ավելի շատ ավիաընկերություններ կհետաքրքրվեն վերանորոգված օդանավակայանով: Ինչը մեզ թույլ կտա ավելի շատ զբոսաշրջիկների ընդունել Աջարիայի տարածաշրջանում», – հայտարարել է Թամար Արչուաձեն:

«Ծրագրի շրջանակներում ընդլայնվել է գործող ուղևորային տերմինալի շենքը, ինչպես թռիչքի, այնպես էլ վայրէջքի կողմերում. Մասնակիորեն ընդլայնվել է ուղեբեռների մշակման տարածքը, գրանցման սեղանները, սահմանապահների կրպակները, Դյութի ֆրիի տարածքը, բիզնես սրահը և օդանավակայանի ավտոկանգառը:

Օդանավակայանին ավելացվել է միջազգային չափանիշների սննդի կետեր և մեկնումի տարածքում երկու ավտոբուսի ելք: Շինարարության ընթացքում աշխատանքի է տեղավորվել շուրջ 300 տեղացի», – նշված է Վրաստանի օդանավակայանների միության հայտարարության մեջ: