«Բարսելոնայի» մամուլի ծառայությունը արձագանքել է իր նախկին խաղացող Դիեգո Մարադոնայի մահվանը:

«Շնորհակալություն ամեն ինչի համար, Դիեգո»,- գրված է ակումբը «Թվիթերում»:

Մարադոնան կատալոնական ակումբում խաղացել է 1982-84 թվականներին և այս թիմի հետ նվաճել է Իսպանիայի գավաթը, լիգայի գավաթը և սուպերգավաթը: Արգենտինացին Լա Լիգայի 36 խաղում դարձել է 22 գոլի հեղինակ:

Thank you for everything, Diego pic.twitter.com/bJ9l3ixY7A

— FC Barcelona (@FCBarcelona) November 25, 2020

«Թվիթերում» այս տխուր լուրին արձագանքել է նաև Մարադոնայի մեկ այլ նախկին ակումբ ՝ «Նապոլին»:

«Միշտ: Խաղաղությամբ Դիեգո», – ասվում է ակումբի հայտարարության մեջ:

Մարադոնան 1984-91 թվականներին խաղացել է «Նապոլիում», երկու անգամ դարձել է Իտալիայի չեմպիոն (1987, 1990), նվաճել է Իտալիայի գավաթը և սուպերգավաթը, ինչպես նաև ՈւԵՖԱ-ի գավաթը (1989):

Per Sempre ?
Ciao Diego pic.twitter.com/LzppqlBqLV

— Official SSC Napoli (@sscnapoli) November 25, 2020

Լեգենդար արգենտինացի ֆուտբոլիստը 60 տարեկան հասակում մահացել է սրտի կաթվածից: