Վրաստանի վարչապետ Իրակլի Ղարիբաշվիլիի անմիջական մասնակցությամբ, կառավարության աջակցությամբ և Վրաստանում Իսրայելի դեսպանատան միջնորդությամբ, առողջապահական ուղղության ուսանողները, ովքեր Իսրայելի քաղաքացիներ են, Ուկրաինայում ռազմական գործողությունների արդյունքում չեն կարող շարունակել իրենց ուսուցումը Ուկրաինայի բարձրագույն ուսումնական հաստատություններում, և ցանկանում են տեղափոխվել Վրաստան, կկարողանան դա անել ընթացակարգերի պարզեցված կարգով ,- այս մասին նշված է կրթության նախարարության հայտարարության մեջ։

Գերատեսչության տվյալներով՝ Վրաստանի կրթության և գիտության նախարարությունը միջազգային ուսանողներին առաջարկում է Բժշկական կրթության համաշխարհային ֆեդերացիայի (WFME) կողմից ճանաչված անգլերեն լեզվով բժշկական ծրագրեր, ինչպես նաև դեղագործության և ստոմատոլոգիայի անգլերեն լեզվով կրթական ծրագրեր։

«Կարևոր է, որ նախարարությունը հնարավորինս նպաստի տեղաշարժի համապատասխան ընթացակարգերի արագացված վարչարարությանը, կրեդիտների ճանաչմանը և համապատասխան բարձրագույն ուսումնական հաստատություններում ուսանողների ժամանակին ընդունմանը։ Ուսանողները պետք է դիմեն Վրաստանի լիազորված բարձրագույն ուսումնական հաստատություն և հայտնեն իրենց ուսումը շարունակելու ցանկությունը։ Հետագա անհրաժեշտ ընթացակարգերը կիրականացվեն կրթության և գիտության նախարարության կողմից՝ արագացված կարգով։ Այս մասին մանրամասն տեղեկություններ կարելի է ստանալ Վրաստանի կրթության և գիտության նախարարության թեժ գծով՝ (995 32) 2 200 220»,- ասված է տարածված տեղեկատվության մեջ։