Անդրեյ Կասյանով. Մենք ակնկալում ենք, որ Վրաստանում Ուկրաինայի նոր դեսպանի նշանակման գործընթացը կավարտվի 2023 թվականի փետրվարի սկզբին
Վրաստանում Ուկրաինայի գործերի ժամանակավոր ներկայացուցիչ Անդրեյ Կասյանովը հայտնել է, որ Վրաստանում Ուկրաինայի նոր դեսպանի նշանակման գործընթացը նախատեսվում է ավարտել 2023 թվականի փետրվարին։
Կասյանովի խոսքով, Ուկրաինայում ստեղծված ծայրահեղ ծանր իրավիճակին զուգահեռ, նշված գործընթացը լրացուցիչ ջանքեր է պահանջում։
«Վրաստանում Ուկրաինայի նոր դեսպանի նշանակման հարցը գտնվում է համապատասխան ներպետական ակտի նախապատրաստման փուլում, որի արդյունքներին բոլորս միասին կիմանանք Ուկրաինայի նախագահի բաց հրամանագրից։ Բացի այդ, պետք է հաշվի առնել օրացուցային և ֆինանսական տարվա ավարտը, ինչը Ուկրաինայի ծայրահեղ ծանր իրավիճակում պահանջում է լրացուցիչ ժամանակ և ջանք համապատասխան միջոցառումներ նախապատրաստելու համար։ Մենք ակնկալում ենք, որ այդ գործընթացը կավարտվի 2023 թվականի փետրվարի սկզբին»,- ասել է Կասիանովը։