«Անադոլու» - Թուրքիայի արտաքին գործերի նախարարը իրանցի գործընկերոջ հետ հեռախոսազրույցի ընթացքում ասել է, որ Թուրքիան չի ցանկանում տարածաշրջանում տեսնել հետագայ սրացում
Թուրքական «Անադոլու» պետական գործակալությունը հայտնում է Թուրքիայի և Իրանի ԱԳ նախարարների հեռախոսազրույցի մասին։
Ըստ լրատվամիջոցի՝ Թուրքիայի արտգործնախարար Հաքան Ֆիդանը իրանցի գործընկեր Հոսեյն Ամիր-Աբդոլլահյանին ասել է, որ «Թուրքիան չի ցանկանում տարածաշրջանում հետագա սրացում»։
Թուրքական լրատվամիջոցները, հիմնվելով դիվանագիտական աղբյուրներից ստացված տեղեկատվության վրա, հայտնում են, որ Իրանի արտգործնախարարը հեռախոսազրույցի ժամանակ հայտարարել է, որ Իսրայելի դեմ պատասխան գործողությունն ավարտվել է, և Իրանը նոր գործողություն չի իրականացնի, քանի դեռ իր վրա չեն հարձակվել։
Միաժամանակ, Ամիր-Աբդոլահյանը հեռախոսազրույցում Հաքան Ֆիդանին ասել է, որ եթե Իրանի վրա կրկին հարձակվեն, իրենց պատասխանն ավելի ուժեղ կլինի, քան երեկ։
Թեհրանն ասում է, որ ապրիլի 13-ի հարձակումը Իրանի պատասխանն էր ապրիլի 1-ին Դամասկոսում Իրանի հյուպատոսության վրա կատարված հարձակմանը, որի արդյունքում սպանվեցին Իրանի հեղափոխության պահապանների կորպուսի բարձրաստիճան սպաներ։ Իրանը կատարվածի համար մեղադրել է Իսրայելին և նրան մեղադրել Իրանի ինքնիշխանությունը խարխլելու մեջ։