Ընդդիմադիր կուսակցությունների այլընտրանքային գործընթացը իմիտացիա է,- ասել է «Գիրչիի» անդամ Ալեքսանդրե Ռաքվիաշվիլին։

Նրա խոսքով, եվրոպացիների աչքում նրանք ոչ ադեկվատ տեսք ունեն, քանի որ չեն կարող նույն սեղանի շուրջ նստել ու խոսել։

«Ընդդիմադիր կուսակցությունները միացել են հասարակական կազմակերպություններին օրենքներ գրելով, բայց այս նույն կազմակերպությունները համագործակցում են «Վրացական երազանքի» հետ և մասնակցում են նրանց աշխատանքային խմբերին։ Պարզվում է, որ նրանք հանդես են գալիս որպես միջնորդ Գիորգի Վաշաձեի եւ «Վրացական երազանքի» միջեւ։ Չեմ կարծում, որ դա որևէ բովանդակություն ունի։ Միակ բանը, որ կարող է պատահել, այն է, որ մենք եվրոպացիների աչքին ոչ ադեկվատ տեսք ունենք, որ չենք կարող նստել նույն սեղանի շուրջ և խոսել։ Ես չեմ հասկանում, թե ինչու են Գիորգի Վաշաձեն և մյուս ընդդիմադիր կուսակցությունները ցանկանում այդպես վարվել։ Քանի որ «Ազգային շարժում»-ում տարաձայնություններ կան, հուսով եմ՝ ճիշտ դիրքորոշում կընդունեն, եւ մենք եվրոպացիների աչքում ադեկվատ կլինենք։ Եվրոպացիները մեզ ուղղակիորեն և միանշանակ ասում են, որ աշխատենք միասին»,- ասել է Ռաքվիաշվիլին։