Վրաստանի նախագահ Գիորգի Մարգվելաշվիլին և վարչապետ Գիորգի Կվիրիկաշվիլին Վրաստանում հավատարմագրված դիվանագիտական կորպուսի և միջազգային կազմակերպությունների ներկայացուցիչներին հյուրընկալել են հատուկ Սուրբ ծննդյան ընդունելությանը:

Կառավարության առաջնորդը բոլորին շնորհավորել է գալիք նոր տարվա կապակցությամբ և շնորհակալություն հայտնել  բարեկամ երկրների ներկայացուցիչներին համագործակցության համար:

«Մեր միասնական նպատակը առաջ ընթանալն է և ողջ աշխարհում խաղաղության հաստատումը: Աշխարհը կանգնած է լուրջ մարտահրավերների առջև և մենք բոլորս միասին, միասնական ուժերով պայքարելու ենք դրա դեմ: Ես ցանկանում եմ շնորհակալություն հայտնել բոլոր զինվորականներին, ովքեր մասնակցում են խաղարարար առաքելություններին, այդ թվում նաև վրաց զինվորներին»,-ասել է Կվիրիկաշվիլին:

Վարչապետը նշել է, որ 2018 թվականը հիշարժան տարի է Վրաստանի համար, քանզի երկիրը տոնում է առաջին վրացական հանրապետության 100 ամյակը:

«20-րդ դարի սկզբում տեղի ունեցավ  շատ կարևոր իրադարձություն, Վրաստանը ստեղծել է ժողովրդավարական հանրապետություն, ճիշտ է այդ պետությունը գոյատևել է ընդհամենը երեք տարի, սակայն բազմաթիվ հերոսների գործողությունների շնորհիվ երկիրը իր անկախությունը վերականգնեց 90 ական թվականների սկզբին: Այսօր մենք բազմաթիվ երկրների հետ տոնում ենք դիվանագիտական հարաբերությունների հաստատման 25-ամյակը և ցանկանում եմ մեկ անգամ ևս շնորհակալություն հայտնել բոլորին»,-ասել է Գիորգի Կվիրիկաշվիլին:

Վարչապետը խաղաղություն և հաջողություններ է մաղթել Վրաստանի բարեկամ երկրներին, դիվանագետներին և նրանց ընտանիքի անդամներին:

Վարչապետը նախագահի և հյուրերի հետ միասին դիտել է նաև նախագահի նստավայրում բացված ՝ «անկախությունից ազատություն» վերտառությամբ ցուցահանդեսը:

Երեկոյին ներկա էին նաև կառավարության անդամներ, պատգամավորներ, մայրաքաղաքի կառավարության, Վրաստանի պատրիարքարանի, դիվանագիտական կորպուսի և միջազգային կազմակերպությունների ներկայացուցիչներ: