Նոր կորոնավարակի համաճարակի պատճառով, Չինաստանի Ուհան քաղաքի բնակչությունը արդեն երկրորդ շաբաթն է գտնվում է մեկուսացման մեջ: ABC News-ը հրապարակում է դրոնով նկարահանած տեսանյութը, որում երևում է, թե ինչ տեսք ունի դատարկ քաղաքը:

Հունվարի 23-ին, Չինաստանի իշխանությունները Ուհանում նոր կորոնավարակի տարածումն կանխելու նպատակով, հայտարարել են կարանտին: Դադարեցվել է բոլոր տեսակի հասարակական տրանսպորտի և գնացքների երթևեկությունը, արգելվել է նաև օդային տեղաշարժը: Դա մարդկության պատմության մեջ ամենամեծ կարանտինն է:

Ըստ գիտնականների, 2019-nCov անվանմամբ վարակը մարդկանց մոտ տարածվել է կենդանիներից, ՈՒհանում գտնվող ծովամթերքների շուկայում: Վերջին տվյալներով, այս պահին վարակված է ավելի քան 24 000 մարդ: Վարակից մահացել է 493 մարդ: 915 վարակված մարդ արդեն ապաքինվել է:

Drone footage shows almost empty streets in typically bustling Wuhan, China, amid a citywide lockdown over the deadly coronavirus outbreak.

The viral outbreak has infected more than 20,600 people globally. https://t.co/K9g7lCir38 pic.twitter.com/ZctumKNM1Q

— ABC News (@ABC) February 4, 2020

Հունվարի 27-ին քաղաքի իշխանությունները արգելել են նաև Ուհանի գործարար մասում ավտոմեքենաների տեղաշարժը: Տեղաշարժվել կարող են միայն հատուկ թույլտվություն ունեցող ավտոմեքենաները:

Կարելի է ասել, որ կարանտին 11 միլիոնանոց քաղաքը վերածել է ուրվականների քաղաքի:

Ռոյտերի փոխանցմամբ, Չինաստանի իշխանությունները ֆերմերներին պարտադրել են մեծացնել բանջարեղենի արտադրման ծավալը և դրանք քաղաք հասցնելու համար բեռնատարների համար բացել են ՈՒհան տանող ճանապարհները: Կառավարությունը խիստ պատժամիջոցներ է կիրառել նաև այն խանութների նկատմամբ, որոնք այս ժամանակահատվածում արհեստականորեն բարձրացնում են սննդի և դիմակների գները:

Քաղաքում շատ արագ կառուցել են հիվանդանոց, որտեղ բուժվում են կորոնավարակով վարակված մարդիկ, քանզի այլ հիվանդանոցներում տեղ չկա: Ժամանակավորապես հիվանդանոց են դարձրել նաև ՈՒհանում գտնվող մարզադաշտերը և այլ շինություններ: