Քենեթ Էնջել․ Նոր նախագիծը Փոթիի նավահանգստին հնարավորություն կտա արժանապատվորեն արձագանքել ժամանակակից մարտահրավերներին, տեղափոխել ավելի շատ բեռներ և լիովին բացահայտել իր ներուժը
Փոթիի նավահանգիստը Վրաստանի ամենահավակնոտ և հաջողված ենթակառուցվածքային նախագծերից մեկն է, որը հանդիսանում է երկրի առաջընթացի ու զարգացման խորհրդանիշը. այս մասին Փոթիի նավահանգստի նոր նավամատույցի շինարարության մեկնարկի արարողությանն իր ունեցած ելույթի ժամանակ հայտարարել է ԱՄՆ Միջազգային զարգացման ֆինանսական կորպորացիայի (DFC) գործադիր տնօրեն Քենեթ Էնջելը։
Նրա խոսքով՝ նոր նախագիծը Փոթիի նավահանգստին հնարավորություն կտա արժանապատվորեն արձագանքել ժամանակակից մարտահրավերներին, թողարկել ավելի շատ բեռներ և լիովին բացահայտել սեփական ներուժը։
«Ուրախ եմ այսօր գտնվել Վրաստանում՝ Սև ծովի այս գեղեցիկ ափին, որպեսզի ձեզ հետ միասին նշեմ Փոթիի նոր ծովային նավահանգստի զարգացման ևս մեկ կարևորագույն փուլ։ Փոթիի նավահանգիստը Վրաստանի ամենահավակնոտ և հաջողված ենթակառուցվածքային նախագծերից մեկն է, որը հանդիսանում է երկրի առաջընթացի ու զարգացման խորհրդանիշը։ 2022 թվականից՝ այս արդիականացված նավահանգստի բացումից ի վեր, Փոթիի նավահանգիստը էական դեր է խաղացել Վրաստանի տնտեսության տրանսֆորմացիայի և Եվրոպայի ու Կենտրոնական Ասիայի միջև աճող առևտրային սպասարկման գործում։ Իսկ այսօր, երբ Տրանսկասպյան միջանցքի երկայնքով առևտուրը մշտապես աճում է, մենք հիմք ենք դնում նավահանգստի հետագա ընդլայնմանը։ Այս նախագիծը նավահանգստին հնարավորություն կտա արժանապատվորեն արձագանքել ժամանակակից մարտահրավերներին, ընդունել ավելի մեծ չափերի նավեր, անցկացնել զգալիորեն ավելի շատ բեռներ և լիովին բացահայտել սեփական ներուժը։
DFC-ն ամերիկյան կառավարության ներդրումային ստորաբաժանումն է։ Այն ապահովում է մատակարարման գլոբալ շղթան, աշխատում է ուղղակիորեն մասնավոր սեկտորի հետ երկարաժամկետ ներդրումների շրջանակներում։ Սա առաջնահերթություն է համարում ենթակառուցվածքները, քանի որ դրանք հանդիսանում են ամուր տնտեսության հիմքը։ Առևտուրը և կապակցվածությունը աճի կարևորագույն գործոններն են։ DFC-ն Փոթիի նավահանգստի երկարամյա գործընկերն է։ Մենք կարևոր դեր ենք խաղացել Փոթիի նավահանգստի զարգացման գործում։ Այս ընդլայնումը էապես կփոխի խաղի կանոնները։ Բեռնաշրջանառությանը և Տրանսկասպյան միջանցքին կավելանա մոտ մեկ միլիոն տոննա, ինչը զգալիորեն կհզորացնի այն»,- նշել է DFC-ի գործադիր տնօրենը։
Էնջելի խոսքով՝ DFC-ի համար Փոթիի նավահանգիստը շատ լավ գործընկեր է, որը, նրա իսկ ձևակերպմամբ, արժանապատվորեն կատարել է զարգացմանն ուղղված բոլոր քայլերը։
«Սա հրաշալի օրինակ է այն բանի, թե ինչ դեր է խաղում մասնավոր հատվածը երկարաժամկետ տնտեսական զարգացման և տարածաշրջանային կապակցվածության համար։ Այս նախագիծը շարունակում է այն արտասովոր պատմությունը, որը կապված է Վրաստանի տնտեսական աճի հետ։ Վրաստան առաջին անգամ եկել եմ 25 տարի առաջ, ինչի ընթացքում տեսա շատ մեծ ներուժով հրաշալի երկիր, որն ունեի ժամանակակից ենթակառուցվածքներում ներդրումների կարիք։ Ինչն ամենակարևորն է, Վրաստանում ես տեսա լավատեսություն և երկիրը զարգացնելու ցանկություն։ Վրացի ժողովրդի ոգին, ինչպես նաև մասնավոր հատվածը, երկրին հնարավորություն կտան հասնել շատ բանի։ Ինձ համար մեծ պատիվ է տարիներ շարունակ աշխատել ԱՄՆ կառավարության անունից, և այսօր, DFC-ի և ամերիկյան կառավարության անունից ցանկանում եմ սրտանց շնորհավորել ձեզ այս կարևոր նախաձեռնության կապակցությամբ»,- հայտարարել է Էնջելը։
Ի գիտություն՝ ԱՄՆ Միջազգային զարգացման ֆինանսական կորպորացիան (DFC) PACE Group ընկերության հետ կնքել է 25 միլիոն դոլարի երկրորդ վարկային պայմանագիրը։ Ֆինանսավորումը կուղղվի Փոթիի նոր ծովային նավահանգստի երկրորդ նավամատույցի շինարարության ավարտին։