Վրաստանի արտաքին գործերի նախարարը մեկնելու է Հայաստան
14:57, 11.09.2017
Հայաստանի հանրապետության արտաքին գործերի նախարար Էդվարդ Նալբանդյանի հրավերով Հայաստան է այցելելու Վրաստանի փոխվարչապետ, արտաքին գործերի նախարար Միխեիլ Ջանելիձեն:
Այդ մասին տեղեկացնում են ՀՀ արտաքին գործերի նախարարությունից:
Վրաստանի արտգործնախարարին կընդունի Հանրապետության Նախագահը։
Նույն օրը կկայանան Հայաստանի և Վրաստանի արտաքին գործերի նախարարների բանակցությունները:
