Ҳаҭыр зқәу аԥыза-министр, ари Бриуссель ахь актәи шәвизитуп. Бриуссель шәҭаара Қырҭтәыла европатәи амҩа хәмаррада ишалнахыз иаҳнарбоит, – иҳәеит адәныҟатәи аусқәеи ашәарҭадара аполитикеи азҵаарақәа рзы Евроеидгыла иреиҳаӡоу ахаҭарнак, Еврокомиссиа авице-ахада Жозеп Боррель иареи аҧыза-министр Иракли Кобахиӡеи европатәи агәыларатә политикеи арҭбаареи азҵаарақәа рзы еврокомиссар Оливер Варҳеи Қырҭтәыла-Евроеидгыла ассоциациатә хеилак 8-тәи аилатәара анеҩс еицымҩаԥыргаз апрессконференциа аҿы.

Боррель иажәақәа рыла, Қырҭтәылеи Евроеидгылеи амҩа апсахра иазкны азеиԥш хыдҵақәа рымоуп.

„ Ари акандидат тәыла аҳасабла раԥҳьаӡатәи визитуп. Ҳара астратегиатә партниорра иашьҭанеиуа аетап ахь ҳаиасуеит. Ари азҵаара ҳахцәажәеит Қырҭтәыла-Евроеидгыла ассоциациатә хеилак аҳәаақәа ирҭагӡаны“, – иҳәеит Боррель.