Амиграциазы адепартамент аусуҩцәа атәыла иалырцеит 126ҩык атәымуаа
Қырҭтәыла Аҩныҵҟатәи аусқәа рминистрра Амиграциазы адепартамент аусуҩцәа аҵыхәтәантәи амшқәа рзы аусмҩаҧгатә ҷыдақәа мҩаҧганы, атәыла иалырцеит 126ҩык атәымуаа. Ари аинформациа аланарҵәеит Қырҭтәыла Аҩныҵҟатәи аусқәа рминистрра.
Аинформациа ишану ала, атәыла иалцоуп Ҭырқәтәылеи, Индиеи, Туркменистани, Пакистани, Урыстәылеи, Узбекистани, Виетнами, Нигериеи, Иорданиеи, Бурунди, Судани, Китаи, Афганистани, Азербаиџьани, Египти, Ливани, Молдовеи, Филиппини, егьырҭ аҳәынҭқаррақәеи ртәылауаа, зынӡа 126ҩык.
Сынтәа раҧхьатәи фымз рыла зынӡа атәыла иалцоуп азакәантә ашьаҭада Қырҭтәыла иҟаз 2 036ҩык атәымуаа.