Хельсинки акомиссиа ахантәаҩы ҿыцс дҟалоит Ареспубликатә сенатор Роџьер Уикер, – иазгәаҭоуп акомиссиа аланарҵәаз аҳәамҭа аҿы.

“50 шықәса ирылагӡаны Хельсинкитәи акомиссиа ауаҩы изинқәа рыхьчареи,  адемократиа аҿиареи, адунеи зегьы аҿы аекономикатә усеицура адгылареи иаҿын. Иахьа ҳҿаԥхьа иҟоу ауадаҩрақәагьы мариам. Сгәы хыҭхыҭны ҩ-палатак рҿы ҩ-партиак русеицура сазыԥшуп, Украина урыстәылатәи аибашьра ииашоу ахыркәшареи, НАТО иаҳа аӷәӷәахареи, ҳмилаҭтә интересқәа ирылоу жәларбжьаратә еиҿкаара аиуреи рзы”, – иҳәеит Уикер.

Хельсинкитәи акомиссиа аҳәамҭаҿы ишану ала, “Ақырҭуа гәахәтәы” атәыла Урыстәылашҟа ахы архареи, ақырҭуа жәлар иалырхыз Евро-Атлантикатәи аинтеграциа амҩа ацәхьаҵреи рҽазыршәоит, убри аҟынтә Қырҭтәылатәи Аҳәынҭқарра адемократиа амҩеиҿыҵырҭаҿы иҟоуп”.