“Ақырҭуа гәахәтәы” ақырҭуаа евроатлантикатә аинтеграциа амҩала ԥхьаҟа ацараҿ ирԥырхагоуп, – иануп “Хельсинки акомиссиа аланарҵәаз аҳәамҭа аҿы.

Аҳәамҭаҿ ишану ала, ақырҭуа жәлар амассатә ракциақәа ирыхәамԥшыкәа, “Ақырҭуа гәахәтәы” адунеи иҟоу автократцәа рҟны аинтеграциа нанагӡоит.

“Ақырҭуа гәахәтәы” ақырҭуаа иалырхыз евроатлантикатә аинтеграциа амҩала ԥхьаҟа ацараҿ ирԥырхагоуп, адунеи аҿы адемократиатә амш аусхәаԥштә ақәхра хықәкыс измоу агрессорцәа рахь ахы рхоуп. Ақырҭуа жәлар амассатә ракциақәа ирыхәамԥшыкәа, “Ақырҭуа гәахәтәы” адунеи иҟоу автократцәа рҟны аинтеграциа нанагӡоит. Рашәаразы Қырҭтәыла аԥыза-министр Иракли Кобахиӡе Џьамтәыла ахада Пезашкиан иинаугурациаҿ дыҟан. Уаанӡа “Ақырҭуа гәахәтәы” Џьамтәылеи Қырҭтәылеи рыбжьара аекономикатә аимадарақәа рырӷәӷәара алагеит. Аларҵәара зауз адыррақәа рыла, џьамтәыла иамадоу агәыԥқәа “Ақырҭуа гәахәтәы” акампаниа иадгылон, мраҭашәара иаҿагыло анаратив аладырҵәон.

Нанҳәазы “Ақырҭуа гәахәтәы” хаҭарнакцәа Китаи аҟны астратегиатә партниорра иазку аиқәшаҳаҭра анапы аҵарҩит. Уажәы китаитәи аконсорциум Анаклиатәи иҵаулоу абаӷәаза аргылара иаҿуп.

Амчра “Ақырҭуа гәахәтәы” анапаҿы иаанхар, Қырҭтәыла Урыстәылеи, Китаи, Џьамтәылеи рхы ихырҳагоу ҭыԥны аҽеиҭанакуеит”,- иануп аҳәамҭа аҿы.